كَـفرتْ بـِـيْ يــومْ كلّ النــــاسْ بِــيْ آمَنَـتْ 
وَاقسَمْ بيْ الّكـافْ ذِيْ سِــرّهْ تَعــاظَمْ بِنُونْ

.

في لَـوحْ مَحفُـوظْ غـَايــاتْ السّـما ادوّنـتْ
وظنّها ايّـقنْ عــلى مَنْ فـي يقــيّنه ظنــونْ

.

لا جَـاتْ بِنْتْ الخيـالْ الخَصّبْ واتعقـّلنتْ
تفتـّحتْ في غِيّـوبْ الغيبْ لـ اْنّور عـيونْ

.

الفِــكّرهْ البِــكّرْ وسّطْ العــقلْ لا اتكــوّنتْ
تغـــيّر الّكـــونْ كـلّه بَعدْ مـــا هيْ تكــونْ

.

لا اتأسّلمتْ فِـــكرَةْ الهــاجسْ ولا اتعلّمنتْ
ولا أتَتْ وفــقْ انّســـاقْ السّلفْ والبــْطونْ

.

مُتحرّره مِنْ قِوى المـــوروثْ ذِيْ هيّمنتْ 
وكــلّ عــاشقْ يلاقيْ فـي هـــواها جنـونْ

.

باعشَّـــقْ قَلقَّـــها وبَكّـــرهها إذا اطـمّنتْ
واســــامِرْالليلْ مَعْــها في لـذيذْ الشـجونْ

.

مــا هَمّنيْ حـــالْ بَقّــــعا لاهيَ اتلَــوّنتْ
أدوالْ بَينْ الخـــلايقْ مــالـَـها والبَـــنونْ

.

هَمّيْ عقُــــول التقـدّمْ رِجّعتْ اتقطّـرنتْ 
ولا نفِعْ شــارِحْ الّهـــامشْ وعلمْ المتُونْ

.

لا رَجّعت ماضي الماضي ولااتعَصّرنتْ
ولا وعَت حاضر الحاضر وإرّث الديـونْ